الاتفاق الفلاحي…المغرب كيتسنى حكم اوروبا

الاتفاق الفلاحي…المغرب كيتسنى حكم اوروبا

عادل نعيم

هادشي اللي قال نهار الثلاثاء 13 شتنبر المحامي العام في الرأي ديالو، حيث أكد أن الاتفاق الموقع مع المغرب ف2012، ما كينطابقش على الصحراء. وجات هاد التوصية ديال المحامي، بعد شكوى تقدمت بها البوليساريو، وقرار محكمة الاتحاد الأوروبي اللي قالت فدجنبر العام اللي فات بإلغاء الاتفاق الفلاحي.

المغرب كان غضب بزاف من هذا القرار ديال دجنبر، وقرر وقف الاتصالات مع الاتحاد الأوروبي، قبل ما يرجع ويستأنف الاتصالات بعد ذلك. كما أن بزاف ديال المحليين شافو باللي الاتحاد الأوروبي محتاج للمغرب، فالمسائل ديال الهجرة والإرهاب. واعتابرو أن الاتحاد غادي يغلب المصلحة وما على المغرب غير يخرج عينيه.

المغرب اعتبر راسو غير معني بقرار الإلغاء، واعتبارو شأن أوروبي، أو خاص الاتحاد يصلح ما أفسده القضاء. هذا ما دفع اللجنة الأوروبية إلى طمأنة المغرب، واستئناف الحكم، لكن الكونفدرالية المغربية للفلاحة والتنمية القروية، كلفت مكتب ديال المحاماة بريطاني، معه المحامي هشام الناصري، ديال المغرب، اللي دافع على مصالح المزارعين المغاربة.

وغادي يتزامن القرار مع بداية موسم التصدير الفلاحي، حيث إذا أيدت حكم المحكمة توصية المحامي العام، غادي يكون المصدرين المغاربة فوضع مريح.

والاتفاق الفلاحي اللي وقعو المغرب مع الاتحاد الأوربي ف2012، كيعطيه تخفيضات كتوصل إلى 70 في المائة خلال 10 أعوام.

وكان المغرب فتح مفاوضات مع الاتحاد الأوروبي حول اتفاقية التبادل الحر، اتفاق موسع ومعمق ماشي غير فالقطاع الفلاحي. وهو اتفاق كتسعى ليه بلدان أوروبية ماشي بحال فرنسا وإسبانيا اللي عندها مصالح مهمة فالمغرب.

المهم التوصية ديال المحامي العام وصلت لعلم المغرب الرسمي نهار الثلاثاء.. وعلمت ” بابوبي” أن الحكومة ما بغياش تعتبر توصية المحامي العام فمحكمة العدل الأوروبي بمثابة انتصار، حيث كتتسنى حتى تشوف قرار المحكمة فأكتوبر.

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *