جوج من “عبدة الشيطان” متهمين بالقتل والنيابة العامة كتطالب بإعدامهم

جوج من “عبدة الشيطان” متهمين بالقتل والنيابة العامة كتطالب بإعدامهم
  • بابوبي

طالبت النيابة العامة فمكناس، نهار الاثنين اللي فات بإعدام جوج متهمين كينتميو لطائفة ما يسمى “بعبدة الشيطان” بعدما تورطو نهاية العام اللي فات فجريمة قتل  نكلو فيها بالجثة وحرقوها بعدما فصلو  الرأس على الجثة. وحسب جريدة “المساء” اللي أوردت الخبر فالمتهمين اللي واحد كيقرا فالسنة الأولى بكلية العلوم والثاني طالب بإحدى مدارس التكوين المهني دارو شي طقوس غريبة قبل مايبداو فتنفيذ الجريمة بعدما دارو مذبح من الخشب وجابو كاس وجرس ديال النحاس ولبسو قفازات كوحل ودارو الشموع وبداو كينطقو جمل وكلمات غير مفهومة قبل مايقتلوه طعنا بالسكين باش يعطيوه قربان للشيطان. هادشي كامل داروه باش ينالو الشهرة ويحققو شي مكاسب مالية واجتماعية، ومشاو بحالاتهم بحال إيلا ما واقع والو قبل مايشدوهوم البوليس بمساعدة العساس اللي علمهم أنهم كانو كيجيو يشوفو الضحية اللي استدرجوه حسب مواصفات خاصة ديالهم.  الجلسة المقبلة حسب جريدة “المساء” تم تحديدها ف 12 من شهر دجنبر, بعدما تقدم طلب الدفاع بإجراء الخبرة النفسية.

 

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *