الروينة فميدي1 TV بسبب طرد أنس طموح (#كلنا_أنس_طموح)

الروينة فميدي1 TV بسبب طرد أنس طموح (#كلنا_أنس_طموح)
  • بابوبي/طنجة

طردت إدارة ميدي 1 تيفي الصحافي ومقدم الأخبار أنس طموح، وهو الشي اللي ثار غضب العاملين والعاملات فقناة ميدي 1 تيفي. وكيرجع سبب الطرد حسب مصارد “بابوبي” لأن الصحافي أنس طموح دخل لبلاطو تقديم الأخبار بلا وراق حداه واعتمد غير على الشاشة اللي كيقرا فيها، وفالوقت اللي بدات الأخبار، المكلف ببرمجة الأخبار فشاشة القراءة واللي هو تقني متدرب غلط ودار خبر ديال نشرة سابقة وبالتالي اضطر أنس طموح أنه يقراها لأن الأخبار تقدم مباشرة، و مدير القناة حسن خيار خدا قرار الطرد كعقاب للصحافي. النقابيين ديال القناة مجتمعين دابا وكيهددو بالتوقف عن العمل حتى هوما إدا مارجعتش الإدارة أنس طموح حالا. وقال يوسف بلهيسي مقدم برنامج 90 دقيقة للإقناع فالقناة على صفحته بالفاسبوك ” كنقترحو على السيد الرئيس المدير العام للقناة يطحننا كاملين ويطردنا من المؤسسة اللي حملناها على كتافنا هادي 10 سنين”. ويذكر أن حسن خيار المدير العام الجديد لقناة ميدي تيفي واللي يالاه التحق بالقناة فشهر رمضان الفايت أول حاجة دار هي توقيف العمل مع مومو فساعة قبل الفطور، وتوقيف برنامج “60 minutes pour comprendre” وبرنامج كواليس، ومؤخرا برنامج سطارنيوز ديال حمزة الفيلالي.

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *