كلنا كانعرفو أن النحل كائنات عندها بنية اجتماعية معقدة, كاين عاملات و محاربين و ملكة وحدة فالخلية

كلنا كانعرفو أن النحل كائنات عندها بنية اجتماعية معقدة, كاين عاملات و محاربين و ملكة وحدة فالخلية

النحل كايتوالد بطريقة كاتسما Haplodiploidy. الملكة كاتحط البيض ديالها, ثم كاتختار واحد الجزء من هاد البيض اللي غادي تخصبو بسائل منوي. البيض اللي ماتخصبش كايعطي ذكور, و البيض اللي تخصب كايعطي إناث. يعني الذكور ديال النحل ما عندهمش الأب غير أم هي الملكة. بهاد الطريقة الإناث فالخلية كايكونو مشاركين معدل 75% من الجينات بيناتهم, لكن كايتشاركو غير 50% من الجينات مع خوتهم الذكور. من وجهة نظر تطورية, الإناث عندهم مصلحة ما يكونوش الذكور كثار. هادشي علاش واخا بإمكانهم يبيضو راسهم و يكون عندهم أولاد ذكور, كايفضلو يعتانيو بالبيض دالملكة المخصب اللي غادي يعطيهم خواتات مشاركين جينات أكثر معاهم. هذا واحد من الأسباب لاش فخلية نحل أغلب النحل إناث. هاد الطريقة العجيبة غالبا بانت باش الذكر يتكونصونطرا على الولادة, و بالفعل الذكور ديال النحل ما كايخدموش و ماكايحضيوش الخلية حيت أصلا ما عندهمش شوكة. . اللي دهشني بزاف هو أن من وجهة نظر تطورية الملكة عندها بحال الإناث بحال الذكور بجوجهم مشاركة معاهم 50% من الجينات, يعني الملكة ما عندهاش مصلحة يكونو إناث أكثر من الذكور. هادشي كايعني أنه اللي حاكم فالخلية, ماشي الملكة بل الخادمات … يمكن نگولو أن الملكة اللي عبدة ديال الخادمات كادير داكشي اللي فصالحهم.

من صفحة عثمان صفصافي / بتصرف

مقالات ذات صله